"Sarı şerit" faalleri işğal etilgen Qırımnıñ şeerlerinde Ukrayina destegine yazılar tarqattı. Bu aqta areketniñ telegram kanalında haber etile.
Qarşılıq timsalleri Aqyar, Aqmescit, Yalta ve Köktebelde peyda oldı.
"Böylece yerli sakinler isbatlay: Qırım Ukrainadır, mında işğalden qurtaruvnı bekleyler, ZSU-nı bekleyler", — dep qayd ettiler "Sarı şerit"niñ koordinatorları.
"Sarı şerit" teşkilâtı Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketi. Areket teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyet eñ faal, hususan Aqmescit, Yalta, Kezlev ve Kefede, soñki vaqıtları ise olarğa kiçik şeerlerniñ de sakinleri qoşula.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.